សេចក្តីថ្លែងការណ៍ស្តីពីសិទ្ធិឯកជន SpeakUp®
អង្គភាពរបស់អ្នក
អង្គភាពរបស់អ្នកបានសម្រេចធ្វើឲ្យមានឧបករណ៍ទំនាក់ទំនងដែលមានឈ្មោះថា SpeakUp® ដែលបង្កើតឡើងដោយក្រុមហ៊ុន People Intouch B.V. (‘យើង’, ‘យើងខ្ញុំ’, ‘របស់យើង’) សម្រាប់អ្នកប្រើប្រាស់។
ក្រុមហ៊ុន People Intouch B.V. មានមូលដ្ឋាននៅប្រទេសហូឡង់ក្នុងសហភាពអឺរ៉ុប (EU) ហេតុដូច្នេះហើយយើងប្តេជ្ញាអនុវត្តតាម GDPR សហភាពអឺរ៉ុប (បទប្បញ្ញត្តិស្តីពីការការពារទិន្នន័យទូទៅ) ដែលជាបទប្បញ្ញត្តិមួយក្នុងចំណោមបទប្បញ្ញត្តិស្តីពីការពារទិន្នន័យផ្ទាល់ខ្លួនដ៏ទូលំទូលាយបំផុតនៅក្នុងពិភពលោក។
សេចក្តីថ្លែងការណ៍ស្ដីពីសិទ្ធិឯកជននេះអនុវត្តចំពោះអ្នក នៅពេលអ្នកកំពុងប្រើប្រាស់ឧបករណ៍ SpeakUp® ដើម្បីប្រាស្រ័យទាក់ទងជាមួយអង្គភាពរបស់អ្នក។
អំពី SpeakUp®
តាមរយៈឧបករណ៍ SpeakUp® អ្នកអាចផ្ញើទុករបាយការណ៍ ហើយចាប់ផ្តើមការសន្ទនាប្រកបដោយសុខសុវត្ថិភាព និងសន្តិសុខជាមួយអង្គភាពរបស់អ្នកនៅក្នុងបរិយាកាសប្រើឧបករណ៍ SpeakUp®។
អង្គភាពរបស់អ្នកទទួលខុសត្រូវចំពោះការដំណើរការទិន្នន័យផ្ទាល់ខ្លួនរបស់អ្នកតាមរយៈឧបករណ៍ SpeakUp® ហើយនៅតែជាអ្នកត្រួតពិនិត្យទិន្នន័យ។ ប្រសិនបើអ្នកមានសំណួរណាមួយទាក់ទងនឹងឧបករណ៍ SpeakUp® និងរបៀបដែលទិន្នន័យផ្ទាល់ខ្លួនរបស់អ្នកត្រូវបានដំណើរការ សូមទាក់ទងអង្គភាពរបស់អ្នក ឬពិនិត្យមើលគោលនយោបាយអំពីឧបករណ៍ SpeakUp និង/ឬគោលនយោបាយស្តីពីសិទ្ធិឯកជន។ ក្រុមហ៊ុន People Intouch គឺជាអ្នកដំណើរការទិន្នន័យ ហើយយើងយកចិត្តទុកដាក់ចំពោះតួនាទីនោះ យ៉ាងម៉ឹងម៉ាត់។ នេះមានន័យថាយើងផ្តល់ជូនអ្នកនូវវិធីមានសុវត្ថិភាពបំផុតតាមដែលអាចធ្វើទៅបានក្នុងការប្រាស្រ័យទាក់ទងជាមួយអង្គភាពរបស់អ្នក។
សិទ្ធិឯកជនរបស់អ្នកគឺមានសារសំខាន់ចំពោះយើងខ្ញុំ។ យើងចង់ឱ្យអ្នកមានអារម្មណ៍សុវត្ថិភាពពេលកំពុងប្រើប្រាស់ឧបករណ៍ SpeakUp® ហើយចង់ជូនដំណឹងអ្នកអំពីចំណុចដូចខាងក្រោម៖
ទិន្នន័យរសើប
ឧបករណ៍ SpeakUp® មិនបានត្រូវបានបង្កើតឡើងក្នុងគោលបំណងផ្សព្វផ្សាយទិន្នន័យរសើបផ្ទាល់ខ្លួនដូចជាពូជសាសន៍ ទិន្នន័យសុខភាព ទស្សនៈនយោបាយ ជំនឿទស្សនវិជ្ជា (អ្នកមានសាសនា ឬអ្នកមិនមានសាសនាជាដើម) ទំនោរផ្លូវភេទ ឬប្រវត្តិផ្លូវច្បាប់ឡើយ។ យើងសូមស្នើឱ្យអ្នកគិតពិចារណាអំពីបញ្ហានេះនៅពេលប្រើប្រាស់ឧបករណ៍ SpeakUp®។
អនីតិជន
ប្រសិនបើអ្នកជាអនីតិជន អង្គភាពរបស់អ្នកនឹងត្រូវទទួលបានការយល់ព្រមពីឪពុកម្តាយ ឬអាណាព្យាបាលរបស់អ្នកដើម្បីអនុញ្ញាតឱ្យអ្នកអាចប្រើប្រាស់ឧបករណ៍ SpeakUp® បើច្បាប់តម្រូវ។
របៀបដែលវាដំណើរការ
តើមានអ្វីកើតឡើងចំពោះរបាយការណ៍ដែលបានផ្ញើទុកតាមរយៈឧបករណ៍ SpeakUp®?
ខ្លឹមសារនៃរបាយការណ៍ត្រូវបានចែករំលែកជាមួយអង្គភាពរបស់អ្នក ហើយនឹងត្រូវបានប្រើប្រាស់ និងដំណើរការតែក្នុងគោលបំណងនៃការបង្កើតឧបករណ៍ SpeakUp® ដោយអង្គភាពរបស់អ្នកប៉ុណ្ណោះ។ របាយការណ៍តែងតែត្រូវបានចែករំលែកជាមួយអង្គភាពរបស់អ្នកក្នុងទម្រង់ជាលាយលក្ខណ៍អក្សរជានិច្ច។ របាយការណ៍ជាទម្រង់សំឡេងត្រូវបានធ្វើប្រតិចារិកមុនពេលត្រូវបានចែករំលែក ហើយឯកសារសំឡេងត្រូវបានលុបដោយស្វ័យប្រវត្តិ។ អ្នកអាចបើកការជូនដំណឹងតាមអ៊ីមែល ឬសារលោតជូនដំណឹងសម្រាប់ឧបករណ៍ SpeakUp® បាន។ អ្នកអាចបិទសារលោតជូនដំណឹងសម្រាប់កម្មវិធីទូរសព្ទដៃ SpeakUp® បានគ្រប់ពេលតាមរយៈការកំណត់ឧបករណ៍របស់អ្នក។ សូមពិនិត្យមើលគោលនយោបាយអំពីឧបករណ៍ SpeakUp របស់អង្គភាពរបស់អ្នក និង/ឬគោលនយោបាយស្តីពីសិទ្ធិឯកជនសម្រាប់ព័ត៌មានលម្អិតអំពីអ្វីដែលកើតឡើងចំពោះរបាយការណ៍ដែលបានផ្ញើទុកតាមរយៈឧបករណ៍ SpeakUp®។
អនាមិកភាព
នៅពេលផ្ញើទុករបាយការណ៍តាមរយៈឧបករណ៍ SpeakUp® អ្នកអាចសម្រេចចិត្តចែករំលែកអត្តសញ្ញាណរបស់អ្នកជាមួយអង្គភាពរបស់អ្នក ឬរក្សាភាពអនាមិកបាន។ ប្រសិនបើអ្នកចែករំលែកព័ត៌មានលម្អិតផ្ទាល់ខ្លួននៅក្នុងរបាយការណ៍របស់អ្នក ព័ត៌មានលម្អិតផ្ទាល់ខ្លួនទាំងនេះនឹងត្រូវបានដំណើរការដោយអង្គភាពរបស់អ្នក នៅពេលដោះស្រាយរបាយការណ៍របស់អ្នក។
ហេតុអ្វីបានជាទិន្នន័យផ្ទាល់ខ្លួនត្រូវបានដំណើរការនៅពេលប្រើប្រាស់ឧបករណ៍ SpeakUp®?
ការដំណើរការទិន្នន័យផ្ទាល់ខ្លួនតាមរយៈឧបករណ៍ SpeakUp® គឺមានភាពចាំបាច់៖
- ដើម្បីផលប្រយោជន៍ស្របច្បាប់នៃអង្គភាពរបស់អ្នកក្នុងការមានប្រព័ន្ធសុវត្ថិភាពមួយដើម្បីស៊ើបរកកំហុសវិជ្ជាជីវៈដែលស៊ើបមិនរកឃើញតាមវិធីផ្សេងទៀត
- សម្រាប់ការបង្កើត ការអនុវត្ត ឬការពារសិទ្ធិទាមទារផ្លូវច្បាប់ដោយអង្គភាពរបស់អ្នក និង/ឬ
- តាមតម្រូវការជាផ្នែកមួយនៃកាតព្វកិច្ចផ្លូវច្បាប់ដែលអនុវត្តចំពោះអង្គភាពរបស់អ្នក។
តើទិន្នន័យណាមួយត្រូវបានដំណើរការ?
ទិន្នន័យមួយចំនួនដែលអ្នកផ្តល់ជូនត្រូវបានប្រមូលដោយស្វ័យប្រវត្តិនៅពេលប្រើប្រាស់ឧបករណ៍ SpeakUp® ហើយនឹងមិនត្រូវបានចែករំលែកជាមួយអង្គភាពរបស់អ្នកឡើយ។ ទិន្នន័យនេះត្រូវបានដំណើរការដើម្បីផ្តល់ជូនអ្នកនូវមុខងារទាំងអស់របស់ឧបករណ៍ SpeakUp® សម្រាប់គោលបំណងផ្ទៀងផ្ទាត់ភាពត្រឹមត្រូវ សម្រាប់គោលបំណងជូនដំណឹង (ប្រសិនបើបានបើក ឧ. អាសយដ្ឋានអ៊ីមែលរបស់អ្នក) ដើម្បីបង្កើតការតភ្ជាប់មានសុវត្ថិភាពជាមួយឧបករណ៍របស់អ្នក និងដើម្បីការពារ និងស៊ើបរកការគំរាមកំហែងផ្នែកសុវត្ថិភាព ឬសកម្មភាពព្យាបាទផ្សេងទៀត។ ព័ត៌មាននេះនឹងមិនត្រូវបានប្រើប្រាស់សម្រាប់គោលបំណងផ្សេងទៀតឡើយ ហើយនឹងត្រូវបានរក្សាទុកដរាបណាចាំបាច់សម្រាប់គោលបំណងដែលបានគ្រោងទុក លុះត្រាតែរយៈពេលនេះត្រូវបានពន្យារពេលដោយសារសកម្មភាពព្យាបាទដែលបានបង្កើតឡើង។
សុវត្ថិភាពទិន្នន័យ
ក្រុមហ៊ុន People Intouch បានចាត់វិធានការគ្រប់ជ្រុងជ្រោយដើម្បីបង្ការការបាត់បង់ ការប្រើប្រាស់ខុសគោលដៅ ឬការផ្លាស់ប្តូរទិន្នន័យផ្ទាល់ខ្លួនរបស់អ្នក។ ទិន្នន័យទាំងអស់ត្រូវបានអ៊ិនគ្រីបនៅពេលបញ្ជូនតាមរយៈគេហទំព័រ SpeakUp® និងកម្មវិធីទូរសព្ទ SpeakUp®។
ឃុកឃី
នៅពេលចូលមើលគេហទំព័រ SpeakUp® ឃុកឃីរយៈពេលត្រូវបានប្រើប្រាស់ដើម្បីផ្តល់ការទំនាក់ទំនងប្រកបដោយសុវត្ថិភាព។ ទិន្នន័យឃុកឃីរយៈពេលនេះនឹងត្រូវបានលុបចោលបន្ទាប់ពីពីរ (2) ម៉ោង។ អ្នកអាចប្រើការកំណត់កម្មវិធីរុករករបស់អ្នកដើម្បីលុប បិទ ឬប្លុកឃុកឃីបាន។
ការកែប្រែ
ក្រុមហ៊ុន People Intouch នឹងបន្តជូនដំណឹងដល់អ្នកតាមវិធីល្អបំផុតតាមអាចធ្វើទៅបាន ហើយអាចកែប្រែ និងផ្លាស់ប្តូរសេចក្តីថ្លែងការណ៍ស្តីពីសិទិ្ធឯកជននេះម្ដងម្កាល។
តើអ្នកមានសិទ្ធិអ្វីខ្លះ?
អង្គភាពរបស់អ្នកទទួលខុសត្រូវចំពោះការដំណើរការទិន្នន័យផ្ទាល់ខ្លួនរបស់អ្នក និងធានានូវសិទ្ធិរបស់អ្នកដែលអនុវត្តតាមច្បាប់ស្តីពីការពារទិន្នន័យជាធរមាន។ សូមពិនិត្យមើលគោលនយោបាយអំពីឧបករណ៍ SpeakUp និង/ឬគោលនយោបាយស្តីពីសិទ្ធិឯកជននៃអង្គភាពរបស់អ្នក សម្រាប់ព័ត៌មានបន្ថែមស្តីពីការដំណើរការទិន្នន័យផ្ទាល់ខ្លួនដោយអង្គភាពរបស់អ្នក និងសិទ្ធិការពារទិន្នន័យរបស់អ្នក។
កែប្រែចុងក្រោយនៅថ្ងៃទី 12 ខែកក្កដា ឆ្នាំ 2022
***