Skip to content

SpeakUp Məxfilik Bəyanatı®

Təşkilatınız

Təşkilatınız People Intouch B.V. (“biz”, “bizi/bizə”, “bizim”) tərəfindən yaradılan SpeakUp® ünsiyyət alətini sizin üçün əlçatan etməyə qərar verib.

People Intouch B.V. Avropa İttifaqında (Aİ), Niderlandda yerləşdiyinə görə, dünyada məlumatların mühafizəsi üzrə ən geniş qaydalardan biri olan Aİ GDPR-a (Ümumi Məlumatların Mühafizəsi Qaydalarına) əməl etmək öhdəliyi daşıyırıq.

SpeakUp® vasitəsilə Təşkilatınızla əlaqə yaradarkən sizə Məxfilik Bəyanatı tətbiq olunur.

SpeakUp® haqqında

SpeakUp® vasitəsilə hesabat verə, Təşkilatınızla SpeakUp® mühitində təhlükəsiz və güvənli söhbətə başlaya bilərsiniz.

Təşkilatınız şəxsi məlumatlarınızın SpeakUp® vasitəsilə emal edilməsinə məsuliyyət daşıyır və məlumatları idarəedici olaraq qalır. SpeakUp® və şəxsi məlumatlarınızın necə emal ediləcəyi ilə bağlı hər hansı sualınız və ya narahatlığınız varsa, Təşkilatınızla əlaqə saxlayın və ya onların SpeakUp Siyasətinə və/və ya Məxfilik Siyasətinə nəzər salın. People Intouch məlumatları emal edəndir və biz bu işə ciddi yanaşırıq. Bu o deməkdir ki, biz sizə Təşkilatınızla əlaqə saxlamağın mümkün ən təhlükəsiz yolunu təklif edirik.

Məxfiliyiniz bizim üçün əhəmiyyət daşıyır. SpeakUp® istifadə edərkən özünüzü təhlükəsiz hiss etməyinizi istəyirik və aşağıdakılar barədə məlumat vermək istərdik:

Həssas məlumatlar

SpeakUp® irq, sağlamlıq məlumatları, siyasi baxışlar, fəlsəfi inanclar (dindar və ya ateist və s.), cinsi orientasiya və ya hüquq mühafizə orqanları ilə bağlı keçmiş kimi həssas məlumatları paylaşmaq üçün nəzərdə tutulmayıb. SpeakUp®-dan istifadə edərkən bunları nəzərə almağınızı xahiş edirik.

Azyaşlılar

Əgər azyaşlısınızsa, qanunla tələb olunduqda Təşkilatınız SpeakUp®-ı istifadə etməyiniz üçün valideynlərinizin və ya qəyyumlarınızın razılığını almalı olacaq.

İş prinsipi nədir?

SpeakUp® vasitəsilə verilmiş hesabata nə olur?

Hesabatın məzmunu Təşkilatınızla paylaşılır və Təşkilatınız tərəfindən ancaq onların SpeakUp® məqsədləri üçün istifadə ediləcək. Hesabatlar həmişə Təşkilatınızla yazılı formada paylaşılır. Səsli hesabatlar paylaşılmazdan əvvəl yazıya köçürülür, səs faylı isə avtomatik olaraq silinir. SpeakUp® üçün mobil və ya e-poçt bildirişlərini aktivləşdirə bilərsiniz. SpeakUp® ilə bağlı ekrana çıxan bildirişləri mobil tətbiqdə istənilən vaxt cihaz parametrlərindən qeyri-aktiv edə bilərsiniz. SpeakUp® vasitəsilə verilmiş hesabata nə olduğu barəsində ətraflı məlumat üçün Təşkilatınızın SpeakUp Siyasəti və/və ya Məxfilik Siyasətinə nəzər yetirin.

Anonimlik

SpeakUp® vasitəsilə hesabat verərkən kimliyinizi Təşkilatınızla paylaşa bilərsiniz və ya anonim qala bilərsiniz. Hesabatınızda şəxsi məlumatları qeyd etsəniz, Təşkilatınız hesabatınızla işləyərkən bunlar emal olunacaq.

SpeakUp® istifadə edərkən niyə şəxsi məlumatlar emal olunur?

SpeakUp® vasitəsilə şəxsi məlumatların emal edilməsi zəruridir:

Hansı məlumatlar emal olunur?

Təmin etdiyiniz bəzi məlumatlar SpeakUp® tərəfindən avtomatik olaraq toplanır və Təşkilatınızla paylaşılmayacaq. Bu məlumatlar sizə bütün əsas SpeakUp® funksiyalarını təmin etmək, avtorizasiya məqsədləri, bildiriş məqsədləri (aktiv edildikdə; məs. e-poçt ünvanınız), cihazınızla təhlükəsiz əlaqə yaratmaq, təhlükəsizlik təhdidlərinin və digər zərərli fəaliyyətin qarşısını almaq və onları aşkar etmək üçün istifadə olunur. Bu məlumat başqa məqsədlər üçün istifadə edilməyəcək və yalnız lazım olan müddətə qədər saxlanılacaq, bu müddət ancaq təsdiqlənmiş zərərli fəaliyyət baş verdikdə uzadıla bilər.

Məlumatların təhlükəsizliyi

People Intouch şəxsi məlumatlarınızın itməsinin, yanlış istifadəsinin və dəyişdirilməsinin qarşısını almaq üçün geniş tədbirlər görüb. SpeakUp® veb versiyası və SpeakUp® mobil tətbiqi vasitəsilə bütün məlumatlar ötürülərkən şifrələnir. 

Kukilər

SpeakUp® veb versiyasını ziyarət edərkən təhlükəsiz əlaqəni təmin etmək üçün sessiya kukilərindən istifadə olunur. Sessiya kuki məlumatları iki (2) saatdan sonra silinir. Brauzer parametrlərinizdən istifadə edərək kukiləri silə, qeyri-aktiv edə və ya bloklaya bilərsiniz.

Dəyişikliklər

People Intouch ən yaxşı şəkildə məlumatlı olmağınızı istəyir və bu Məxfilik Siyasətinə bəzən düzəlişlər və dəyişikliklər edə bilər.

Hüquqlarınız nələrdir?

Şəxsi məlumatlarınızın emal edilməsində və məlumatların qorunması üzrə müvafiq qanunlara uyğun şəkildə hüquqlarınızın qorunmasında Təşkilatınız məsuliyyət daşıyır. Təşkilatınız tərəfindən şəxsi məlumatlarınızın emal edilməsi və məlumatların qorunması üzrə hüquqlarınız barədə ətraflı məlumat üçün Təşkilatınızın SpeakUp Siyasəti və/və ya Məxfilik Siyasətinə nəzər yetirin.

Son dəyişiklik: 12 iyul 2022

***